31 студзеня пройдзе публічная лекцыя, прысвечаная 20-годдзю АРР “Дзедзіч”.

Што вас чакае на лекцыі:

• з чаго пачыналася арганізацыя;
• якія каштоўнасці ляжаць у яе аснове;
• якія буйныя праекты арганізацыя рэалізавала;
• як з дапамогай арганізацыі змяняўся горад і самі берасцейцы.

Пра ўсё гэта і яшчэ больш распавядзе кіраўнік АРР “Дзедзіч” – Дзмітрый Шыманскі.

Лекцыя адрасуецца тым, хто цікавіцца дзейнасцю АРР “Дзедзіч” і жадае зрабіць свой унёсак у далейшае развіццё арганізацыі. Яна з’яўляецца першым этапам у стварэнні новага стратэгічнага плана дзейнасці на бліжэйшыя 5 гадоў. А наступным крокам да стварэння новай стратэгіі “Дзедзіча” стане стратэгічнае планаванне арганізацыі, якое пройдзе 2-3 лютага.

Падчас лекцыі можна будзе запісацца на ўдзел у стратэгічным планаванні АРР “Дзедзіч”.

Папярэдняя рэгістрацыя на лекцыю не патрабуецца.