Тэма Прэс-клуба – “Грамадзянская супольнасць у Беларусі: асаблівасці супрацоўніцтва з уладамі”.

Да ўдзелу запрашаюцца мясцовыя журналісты, блогеры, грамадскія актывісты, прадстаўнікі мясцовых адміністрацый і дзяржаўных устаноў Брэсцкай вобласці.

На сустрэчы арганізатары разам з удзельнікамі паспрабуюць вызначыць:

1. Наколькі мясцовыя жыхары ангажаваныя ў працу грамадскіх арганізацый.
2. Якім чынам павялічыць цікавасць грамадзянаў да грамадскіх арганізацый.
3. Ці ёсць асаблівасці ўзаемадзеяння грамадскага сектару і ўладных структураў.
4. Якую ролю адыгрываюць медыя ў дыялогу грамадзянаў і ўладаў.

Спікеры сустрэчы:

Таццяна Кузіна (Мінск) – эксперт у галіне партыпасіпатыўнага кіравання, прэзентуе вынікі комплекснага сацыялагічнага даследавання, якое праводзілася ў межах кампаніі “Разам да справы” па ўсёй Беларусі.

Алег Сівагракаў (Мінск) – эксперт па ўстойлівым развіцці, распавядзе пра эфектыўныя інструменты для выбудоўвання дыялогу паміж грамадскімі арганізацыямі і мясцовымі ўладамі.

Дзмітрый Шыманскі (Берасце) – дырэктар Агенцтва рэгіянальнага развіцця “Дзедзіч”, падзеліцца практычным досведам супрацы гараджан і мясцовых уладаў.

Мадэраваць сустрэчу будзе Міхаіл Мацкевіч.

Удзел бясплатны, але патрэбная папярэдняя рэгістрацыя (да 14:00 28 лютага).