Група вайскова-гістарычнай рэканструкцыі «Беларусы ў Войску Польскім» зрабіла фотасесію «Верасень 1939-га ў цытадэлі на Бугу», распавядае блог historiapobach. Здымкі адбываліся ў Бабруйскай крэпасці, якая старэйшая за сваю берасцейскую сястру.
![](https://ic.pics.livejournal.com/historiapobach/84897769/123827/123827_800.jpg)
Царскія ўлады пачалі будаўніцтва цытадэлі на Бугу ў 1833 годзе. Лічылася, што Бабруйская, Дынабургская і Берасцейская крэпасці стануць непрыступнымі фарпостамі Імперыі Раманавых на Захадзе.
![](https://ic.pics.livejournal.com/historiapobach/84897769/124292/124292_800.jpg)
![](https://ic.pics.livejournal.com/historiapobach/84897769/125225/125225_original.jpg)
Аднак ужо першае сур’ёзнае выпрабаванне падчас Вялікай вайны 1914-1918 гадоў цытадэль на Бугу не вытрымала. У жніўні 1915 года рускае войска пакінула Берасцейскую крэпасць без бою.
![](https://ic.pics.livejournal.com/historiapobach/84897769/124649/124649_original.jpg)
![](https://ic.pics.livejournal.com/historiapobach/84897769/124846/124846_original.jpg)
![](https://ic.pics.livejournal.com/historiapobach/84897769/125173/125173_original.jpg)
У 1920-1930-х гадах польскія вайсковыя ўлады часткова мадэрнізавалі старую фартэцыю, а Берасце-на-Бугу ператварылася ў адзін з ключавых вайсковых цэнтраў Другой Рэчы Паспалітай.
![](https://ic.pics.livejournal.com/historiapobach/84897769/125581/125581_original.jpg)
![](https://ic.pics.livejournal.com/historiapobach/84897769/125864/125864_original.jpg)
![](https://ic.pics.livejournal.com/historiapobach/84897769/131291/131291_original.jpg)
У міжваеннае дваццацігоддзе найбольш верагодным праціўнікам Польшчы лічыўся Савецкі Саюз, і Войска Польскае рыхтавалася ваяваць супраць Чырвонай Арміі, аднак 1 верасня 1939 года вайна прыйшла ў Захаду. Гарнізон пачаў рыхтавацца да баявых дзеянняў, а ўвесь грамадзянскі персанал быў эвакуіраваны з тэрыторыі цытадэлі.
![](https://ic.pics.livejournal.com/historiapobach/84897769/126140/126140_original.jpg)
![](https://ic.pics.livejournal.com/historiapobach/84897769/126450/126450_original.jpg)
![](https://ic.pics.livejournal.com/historiapobach/84897769/126614/126614_original.jpg)
![](https://ic.pics.livejournal.com/historiapobach/84897769/126829/126829_original.jpg)
![](https://ic.pics.livejournal.com/historiapobach/84897769/127095/127095_original.jpg)
![](https://ic.pics.livejournal.com/historiapobach/84897769/129708/129708_original.jpg)
У перыяд з 14 па 16 верасня 1939 года жаўнеры Войска Польскага мужна змагаліся супраць пераўзыходзячых сілаў нацыстаў. Апошнія разлічвалі адразу захапіць Берасцейскую крэпасць. Аднак нямецкі ХІХ танкавы корпус пад камандаваннем генерала Ханца Гудэрыяна ў тых баях панёс адчувальныя страты.
![](https://ic.pics.livejournal.com/historiapobach/84897769/127629/127629_original.jpg)
![](https://ic.pics.livejournal.com/historiapobach/84897769/127855/127855_original.jpg)
У ноч з 16 на 17 верасня 1939 года польскія жаўнеры пачалі адыход з цытадэлі на Бугу.
![](https://ic.pics.livejournal.com/historiapobach/84897769/128005/128005_original.jpg)
![](https://ic.pics.livejournal.com/historiapobach/84897769/129002/129002_original.jpg)
![](https://ic.pics.livejournal.com/historiapobach/84897769/128363/128363_original.jpg)
Адступленне прыкрываў польскі маршавы батальён пад камандаваннем капітана Вацлава Радзішэўскага. Жаўнеры Войска Польскага мужна біліся супраць нацыстаў, а з 22 верасня 1939 года — супраць Чырвонай Арміі.
![](https://ic.pics.livejournal.com/historiapobach/84897769/128544/128544_original.jpg)
![](https://ic.pics.livejournal.com/historiapobach/84897769/129172/129172_original.jpg)
![](https://ic.pics.livejournal.com/historiapobach/84897769/129324/129324_original.jpg)
![](https://ic.pics.livejournal.com/historiapobach/84897769/130620/130620_original.jpg)
Такой была першая абарона Берасцейскай крэпасці ў самым пачатку Другой сусветнай вайны.
![](https://ic.pics.livejournal.com/historiapobach/84897769/129944/129944_original.jpg)
![](https://ic.pics.livejournal.com/historiapobach/84897769/130264/130264_original.jpg)
![](https://ic.pics.livejournal.com/historiapobach/84897769/130422/130422_original.jpg)
Працягваецца збор сродкаў на выданне альбома «Другая сусветная вайна на фотаздымках з архіва Ігара Мельнікава». Новае выданне – гэта больш за 600 здымкаў, шыкоўная папера, цвёрдая вокладка. Імены ўсіх спонсараў будуць апублікаваныя ў кнізе.
![](https://natatnik.by/wp-content/static/social-banners/odnoklassniki.png)