Прастора «Крылаў Халопа» пераўтварылася ў галерэю і прыняла першую выставу, якую прывез у Берасце Андрэй Лянкевіч. Каляды, Гуканне вясны, Купалле, Дажынкі, Дзяды ды іншыя беларускія народныя святы ўвабрала ў сябе экспазіцыя фатографа, якая называецца «Паганства».

Андрэй Лянкевіч, паганства, крылы халопа

Пра выставу «Паганства»

«Ехаў сюды з суперхваляваннем, бо адкрываць «Прастору» — вялікая пашана. Трэба было перадаць вопыт, распавесці і паказаць, як вешаць фотаздымкі, выстаўляць святло. У першую чаргу гэта вялікая адказнасць зрабіць першую выставу«, — распавёў Андрэй Лянкевіч.

Андрэй Лянкевіч, паганства, крылы халопа

На сустрэчы з аўтарам экспазіцыі прысутныя паглядзелі невялікі фільм і пралісталі кнігу, зробленыя па выніках здымання, а таксама пачулі гісторыю стварэння праекта.

Андрэй Лянкевіч, паганства, крылы халопа

Андрэй Лянкевіч упэўнены, што адказаў для сябе на пытанне, якое ставіў, калі ездзіў здымаў «Паганства». Зараз гэтыя фотаздымкі жывуць асобным жыццём і вандруюць па гарадах і краінах самастойна.

Андрэй Лянкевіч, паганства, крылы халопа

Таксама фатограф адзначыў, што выстава без кнігі не мае вялікага сэнсу, таму што экспазіцыя існуе толькі той месяц, калі яе можна бачыць, а потым сыходзіць у небыццё. А кніга — абавязковы дадатак да праекту, яна працягвае яго жыццё.

Андрэй Лянкевіч, паганства, крылы халопа, кабан

Пра новы праект «Бывай, Радзіма»

Сам аўтар ужо пяць гадоў займаецца сваім новым праектам пра Другую сусветную вайну з назвай «Бывай, Радзіма».

«Для нашай сям’і Другая сусветная вайна не з’яўлялася сапраўды вайной, таму што ў нас ніхто не ваяваў, ніхто не пайшоў на фронт. І таму для мяне, як для чалавека, які жыве ў грамадстве, дзе Другая сусветная вайна — адна з асноўных гістарычных падзей, вельмі цяжка было адчуць і зразумець, пра што ідзе гаворка. Чаму паўсюль музеі, чаму ўсюды вайна, чаму 9 траўня, чаму 45 год?  Таму і пачалася гэтая гісторыя«, — тлумачыць аўтар.

Праз паўгады выйдзе кніга па матэрыялах новага праекта, і Андрэй Лянкевіч пачне распавядаць новую гісторыю, у якой атрымалася разабрацца і адказаць на свае пытанні.

Выставу «Паганства» можна паглядзець да 29 снежня у Прасторы «Крылаў Халопа» па вуліцы Халтурына 2/1. Час працы: з 14.00 да 19.00.

Перепечатка материалов только с разрешения редакции сайта.

Подписаться
Уведомление о
guest
0 комментариев
Inline Feedbacks
View all comments